سپاس نامه، بابا ١٦.٠١.٢٠١٥

سپاس نامه

 

 

●ئه گر اجازه داشتوم له لایان بنه ماله وقوموکسو کارمانوه جاریکتر خیر هاتنتان و ئی ره و رسم خاک سپاری بابامه م بکم، سپاس ئه را هاتن تان، سپاس ئه را احترامیک که وه بابام ناین. کیشان بارغم  مردن بابام و بی پشتیوانی و نیشان دان هاودردی و جور گل مختلف حزورتان له ئیره، تلفون کردنتان، هناردن پیامکانتان ئه را ئیمه دشوارتر بی.

●دست خوشی له ئه و دلسوزگله کم که له تدارکات ئی مراسمه هم له ناو کلیسا، سر خاک و هم له ناو لوکالکه که هانه دور نذرەکه ئه را شام، ۆ ئیمه کمک که ن زحمته کانتان جیگای قدر دانیه.

●بش داریتان له ای مراسمه ئه را ئیمه له ای روژ غمباره نه تنیا مایه دلگرمیه و تسکین بخشه، بلکه نیشاني اتحاد، همبستگی و حفظ  ارزشه کانمانه که خوشبختانه و سر دوری ره، وفرو، واران و له ای ولاته که تا اندازه وه ای فرهنگو اداب و رسومه بیگانس تا ئیره هاوردیمسی و له فکر نه وردیمسه.

●دس و دس کردن ای اداب و رسم و ارزشگله و نسلگل اینده /جوانکان ئه را روژیک جور ئیمروژ و له شادیه کانا شاید گوره ترین وزیفه/ارک بان شان ئیمه بود. ئی مسئله مهمه بابام فره وخت و شیو‌ە  جور وای جور وه ئیمه یاد اوری کرد.

●وتم کشور بیگانه، مه ن منظورم له ئه و معنی منفی بیگاني نه وی، بابام له ای ٢٠ و چند سال اخر ژیانیه له ولات نروژ له ارامش و دور له تبعیض گل نه ته ۆه ی/ملی و ئاینی که له ولات خومان و دژ هاولاتیه کانمان رواس وه سر بردگه.

●بابام انسانی واقعه بین بی و ای مسئله ئه رای قابل درک بی، هریز ئه را یک دفیچ نه وت له خاک نروژ خاکیم مه کن.

●هر او جۆرە که له ژیاننامه که هاتگه، ژیان بابام و بنه ماله که پر له کوچ و رۆ بیس، و ای و ظعیت ناله باره له بان ئی مه و کو مندالکانه بی تا‌ثیر نه وی، بلام بابام همیشه تا ئه وره که له توانایا، له دانشو اگاهیا بیس له خوی دریخ نه کردگه و کاری کرد که ژیانمان بچوته ری ۆه.

●ئیمه له سایه بابام و دالکم شاید ژیانمان دوران هژاری و فه قیری ۆه خویوه بیاتا، ولی همیشه هست وه امنیت و اسایش کردیم.
●کوانگمان شاید دوله مندانه نویاتا، ولی همیشه گرم بی.
●مهر و مهبته کان بابام ساده، صادقانه و بی توقع بی.
●توانستیم له سه ر بابام جور رفیقیچ حساو بکیم. هاو بازی ۆ شوخ بی.
●صبور و با گذشت بی، نا قولیه کانمان و رۆی خویا ناورد.
●دخالت فره له امور زندگیمان نه کرد، له روابتگل اجتمعای کان ازاد بیمن، له فکر ئی یا نه وی که نزره کان خوی وه پیمان تحمیل بکه.

----------------------------------------------------------

●ئه و روژاخرژیانیه له بیمارستان، ئیمه منداله کانه، دالکم، مامه علی بگ و چند نفر له کس ۆ کاره نزیکه کانمان له دوره بیمن، گشتمان و نوبت دس نایمه ژیر سه ره، قصه دل خومان و گردیا کردیم. دلداري دایم، و خاطر زامته کانه له لی سپاسگزاری و تشکر کردیم . له دوره بیمن تاوخته که اخرین مرحله ژیانی نا پشته سرو و آرامی مال اوایي له ژیان کد.

●جاریکتر بابا و خاطر ئو دریای رنج و زحمت ۆ سختیه تحمل کردی تا ئیمه گوره کردیت سپاسگزاری کم.

●روح و رۆانت شاد، دستت له داوان پیر خوت نه وریت. 

احمد مرادی