ژیاننامه: عه‌لیدوست مرادی
خواڵیخوه‌ش بوو عه‌لیدوست مرادی کوڕ سولتانموراد
مرادی و گوڵخه‌نان سه‌لیمی، له ساڵ 1930 له ئاوای بێنه‌ر سه‌ر وه شاره‌ک گاواره‌ێ
گووران له خوه‌رئاواێ ئوستانێ کرماشان له دایک بی. سێ برا و دو خوه‌یشک داشت.
برا گوره کیان (علی همت مرادی) ماوای ور له انقلاب ئیران کوچ دوای کردگه و برا له
گشتیان جوانتر (علی اکبر مرادی) له بان خاک و نیشتمان گیان خوی فدا کردگه، جوه
یشکه کانیان ( صورت و سوسن مرادی) له ئیران ذ ژین.
ژیانێان
له بێنه‌ر ڕیو وه سه‌ختی کیشا و خوه‌ێ و خانه‌وه‌ده و که‌سووکارێ گشت وه ده‌لیل
ئختڵاف وه گه‌رد خانگه‌ل بارامی‌یه و قه‌بوول نه‌کردن زوڵم و ژێره‌ده‌سی مه‌جبوور
بین که زادگاێ خوه‌ێان وه جێ بیلن. ئه‌وان ڕیو کردنه ئاوای ده‌ماخچه‌رمگ سه‌ر
وه شهرستان سه‌ڕپێڵ زه‌هاو و له ئه‌وردا وارگه خستن و جێگیر بین. ئه‌و له
ئێران خه‌ریک بی وه گه‌رد که‌شاوه‌رزی و ئاژه‌ڵداریه. ده ساڵ ئاخر وه‌رجه
شووڕش 1979 خه‌ریک چه‌ریکی بی.
هه‌تا ساڵ 1979 ژیان ڕووژانهێ وه ئی شێوه
برده سه‌ر، وه‌لێ وه هاتن ڕژیم تازه له
ئێران ژیانێ هه‌تا ئه‌به‌د هاته گووڕیان. ئه‌وه بییه که ئه‌ویچ جوور هه‌زارانێکتر
له شوون به‌رقه‌رار بیین جمهووری ئسلامی له ئێران مه‌جبوور وه کووچ زووری بی و
ئاواره‌ێ عه‌راق. ئه‌و یه‌کی له ئه‌وانه بی که تووانست پێشبینی بکه‌ێت که هه‌م
ئه‌وان و هه‌م ئاوایه‌کان ده‌وروه‌ر که‌فنه وه‌ر هه‌مڵه و له ناو چن. له شوون
ئه‌وه‌ێکه ده‌ێان که‌س له ئاوایه‌ل نزیک هاتنه کوشتن، ڕێگه‌چاره‌ێه‌کتر نه‌دی
بێجگه فه‌رار. ئه‌وه بییه که ڕیو نانه مه‌رز عه‌راق و په‌نانده‌ی ئی وڵاته
بین.
له عه‌راق له شوون ماوه‌ێ کوڵێک ڕژیم به‌ئس بڕ
فره‌ێه‌ک له ئه‌و په‌نابه‌رگه‌له جێوه‌جێ کرد و ڕه‌وانه‌ێان کرده بیاوانگه‌ل سه‌خت
و تووزین ڕوومادیه. فره له ئه‌وانه‌ێکه کیشیانه ئوردوگاێ ڕوومادیه نه‌توانستن
ئوردوگا ته‌رک بکه‌ن و له ئه‌وردا چه‌ندین ساڵ مانوه. خانه‌واده‌ێ عه‌لیدوست یه‌کی
له ئه‌و خانه‌واده‌گه‌له بینه که ئوردوگا ته‌رک نه‌کردن تا ئه‌وه‌ێ که له
شوون 12 ساڵ هاتنه نوروژ و له ئی وڵاته به‌رقه‌رار بین. ژیان سه‌خت و خوڵین
ئوردوگاێ ئه‌لتاش بییه بائس ئه‌وه که ئه‌و دوچار بڕێک نه‌خوه‌شی بووت. له
ئوردوگاێ ئه‌لتاش سه‌رپرستی چه‌ندین ماڵ له وه‌ره‌سه‌ێ بی و له خزمه‌ت کردن درێخ
نه‌کرد.
له ساڵ 1992 خوه‌ێ و خانه‌واده‌ێ هاتنه نوروژ
و له ئێردا ژیان له نووه نانوه. زنده‌گی له وڵات نوروژ ئه‌ڕا ئه‌و وه خاتر
فره‌سنی، ناساقی له‌ش، قه‌ریبی و ته‌نیای کار ئاسانێک نه‌وی. وه‌لێ وه سه‌ر ئه‌وه‌یچوه
تووانست خوه‌ێ و ماومناڵێ وه ڕیو تووانا جێگیر بکه‌ێت، و خوه‌یچێ له ئارامی و
ئاسووده‌ێ ژیان ڕووژانهێ بووه‌ێته سه‌ر. جوور باوک بویه کووانگێک گه‌رم که
ڕووژانه و هه‌فتانه که‌سووکارێ وه ئاسانی تووانستن له ده‌وری جه‌م بوون.
جوور فره که‌ستر، مه‌حرووم بی له سه‌وادئامووزی
و کلاس ده‌رس له ئێرانه، وه‌لێ وه سه‌ر
ئه‌و نه‌خوه‌نده‌وارییوه له بار فکری و فره مه‌سائڵوه خاون زانیاری بی. په‌ێوه‌ندییگه‌ل
ئجتماعیی وه گه‌رد گشت که‌سێکه خوه‌ش و گه‌رم بی، دیورگیری کرد له هه‌ر شه‌ڕ و جه‌نگجاڵ.
که‌سێک بی ئارام، مه‌ردمی و دڵسووز. ئه‌و وه وجوودێ له به‌ین که‌سووکار و
ئاشناگه‌ل فره دڵخوه‌ش بی. وه یارسانی و کورد بیین خوه‌ێ شانازی کرد و له ئه‌نجومه‌ن
و سازمانگه‌ل یارسانی له نوروژ ئه‌ندام بی.
عه‌لیدوست مرادی، له 5 ژانوار 2015 له
بیمارستان Ullevål له ئوسلوو، ئه‌ڕا هه‌مویشه
چه‌و نا یه‌کوه و له ئی دونیا ماڵئاوای کرد. ژیاننامه‌ێ فره باس له کووچ و
ئاواره‌ی که‌ێت به‌س ئی کووچێه هه‌میشه‌ی بی. خوه‌ێ وه پاێ خوه‌ێ چی ئه‌ڕا
بیمارستان و تا ڕووژ و ساتگه‌ل وه‌رجه خه‌فانن له بیمارستان جوور جاران بێکووم
گه‌ردیا و و کار و بار ڕووژانهێ برده‌ێ ڕێوه. تا وه‌رجه سه‌فه‌رێ ئه‌ڕا
بیمارستان گوورانی و هووره له ده‌نگێوه هات و خوه‌ێ هه‌ڵگردیو ئه‌ڕا چه‌ند
ساڵێکتر زنده‌گی.
خوواڵێخوه‌ش بووت عه‌لیدوست مرادی جوور باوک و
باوه خاون 11 فه‌رزه‌ند و 46 نه‌وه و نه‌تیجه بی. له سات و له‌حزه‌گه‌ل ئاخر
ژیانێه فره له که‌سووکاره نزیکه‌کانێ له پاڵێ بین، ئه‌ویچ ئه‌ڕا هه‌میشه له
لێێان ماڵئاوای کرد و خانه‌واده‌ێ داخدار کرد.
هیچ نظری موجود نیست:
ارسال یک نظر